Álggat hygieniijapássa fierbmeskuvlejumi 

Sáhtát oahpásmuvvat ja studeret friddja osiid 1 (1.1, 1.2 ja 1.3) ja vástidit gažaldagaide. Osiid 2-7 ovddas fertet máksit 35 euro kursamávssu. Jos unnimustá njeallje olbmo joavku almmuha iežas dán kursii, de dalle dat joavku oažžu kurssa vuoládushaddái: 30 €/olmmoš.

Go leat máksán mávssu, de beasat joatkit studerema gitta kurssa lohppii. Fierbmekurssa materiála sáhtát logadit ovtta mánotbaji. Jos dárbbašat lassiáigge oahpu gazzamii, de váldde oktavuođa kurssa láidesteaddjái, de mii guhkidat studerenáiggi.

Kurssa čađaheami maŋŋá sáhtát geavahit mu testenbálvalusa čuovvovaččat: Ráđđádallat dutnje vuogas hatti testemis. Sáhttit soahpat maid áiggi, jos nu háliidat. Dát lea nuvttá. Hygieniijapássa oaččut sullii golmma vahkku geažes iežat boastačujuhussii. Bivdde gaskaboddosaš duođaštusa, jos bargoaddi dakkára gáibida.